Mitsubishi ເປີດຕົວລົດໃໝ່ Mitsubishi Xpander 2019 ຟັງຊັ້ນພາຍໃນລົດຈັດເຕັມກວ່າເກົ່າ!

ວັນທີ 12\12\2019 ທາງ Mitsubishi ໄດ້ເປີດຕົວລົດໃໝ່ Xpander 2019 ເຊິ່ງພາຍໃນງານມີເນື້ອໃນດັ່ງນີ້:

ພິທີກອນ: ສະບາຍດີທ່ານຜູ້ມີກຽດທຸກໆທ່ານ, ຍິນດີຕ້ອນຮັບທ່ານເຂົ້າສູ່ງານເປີດຕົວລົດ Mitsubishi Xpander 2019. ຂ້າພະເຈົ້າຊານົນ ມະນິຜົນ ເຮັດໜ້າທີ່ເປັນພິທີກອນດໍາເນີນລາຍການໃນມື້ນີ້, ເຊິ່ງງານຂອງພວກເຮົາໃນມື້ນີ້ ໄດ້ຮັບກຽດເຂົ້າຮ່ວມໂດຍບັນດາແຂກບັນດາທ່ານ ແລະ ແຫຼ່ງຂ່າວກິດຕິມາສັກທີ່ມາຮ່ວມງານໃນງານເປີດຕົວລົດ Mitsubishi Xpander 2019 ຂອງພວກເຮົາໃນມື້ນີ້, ເຊິ່ງເປັນການເປີດຕົວຄັ້ງທໍາອິດໃນປະເທດລາວ.

ພາຍໃນງານທ່ານ ຊັດຊະວານ ເພີ່ມສຸກຈາຣຸຊັບ ຜູ້ອໍານວຍການໃຫຍ່ຂອງ Mitsubishi Motors Laos ຂຶ້ນກ່າວເປີດພິທີເປັນທາງການ ແລະ ແນະນໍາຄຸນສົມບັດຂອງລົດ Mitsubishi Xpander 2019 ດ້ວຍຕົວທ່ານເອງເຊິ່ງເນື້ອໃນໃຈຄວາມແມ່ນທ່່ານ ຊັດຊະວານ ເພີ່ມສຸກຈາຣຸຊັບ ໄດ້ອະທິບາຍກ່ຽວກັບແຫຼ່ງທີ່ຕັ້ງຂອງສູນຜະລິດໃຫຍ່ຂອງ Mitsubishi ໃນປະເທດອິນໂດເນເຊຍ ພ້ອມທັງບອກວ່າແບຣນ Mitsubishi ໄດ້ຮັບສ່ວນແບ່ງທາງການຕະຫຼາດປະເທດໄທ, ຟິລິບປິ້ນ ແລະ ອິນໂດເນເຊຍເອີ້ນໄດ້ວ່າສູງອັນດັບໜຶ່ງ ສໍາລັບ XPander 2019 ແມ່ນຖ່າຍທອດຄວາມແຂງແກ່ງ ແລະ ແຮງບັນດານໃຈໃໝ່ດ້ວຍການປະສົບປະສານລົດແບບ Crossover ເຂົ້າກັບການອະເນກປະສົງການໃຊ້ງານທີ່ຫຼາກຫຼາຍ ແລະ ຈາກການຖ່າຍທອດຄວາມຊ່ຽວຊານການພັດທະນາການເປັນລົດອະເນກປະສົງ, Xpander 2019 ມີຄວາມສູງຈາກພື້ນຫຼາຍກວ່າລົດໃຫຍ່ໃນກຸ່ມດຽວກັນປະມານ 205 ມມ. Xpander 2019 ມີຄວາມກ້ວາງສະບາຍຈາກຫ້ອງໂດຍສານແບບ 3 ແຖວ 7 ບ່ອນນັ່ງຕົກແຕ່ງພາຍໃນດ້ວຍໂທນສີດໍາສາມາດປັບເບາະທີ່ນັ່ງໄດ້ຢ່າງອະເນກປະສົງ ຮອງຮັບການໃຊ້ການໄດ້ຢ່າງດີພຽບພ້ອມໄປດ້ວຍອຸປະກອນອໍານວຍຄວາມສະດວກຕ່າງໆທັງກະແຈອັດສະລິຍະ, ແຜນຄວບຄຸມລະບົບປັບອາກາດດ້ານຫຼັງ ພວງມາໄລເມົາຕິຟັງຊັ້ນ ແລະ ໜ້າຈໍສະແດງຜົນຂໍ້ມຄນຂະໜາດ 4.2 ນິ້ວ.

 

ລາຍການທີ່ກ່ຽວຂ້ອງ

ວີດີໂອແນະນໍາ