ເວທີ Miss Universe Laos ປຸກກະແສຄວາມຮັກຊາດ ຊາວລວມທຸກອາຊີບ ແລະ ວົງການຮ່ວມເຊຍສ້າງຊື່ສຽງໃຫ້ປະເທດ!

ຖືວ່າເປັນເວທີ ທີ່ຄົນລາວທົ່ວປະເທດໃຫ້ຄວາມສໍາຄັນຫຼາຍແຮງເພາະເປັນເວທີຊົງກຽດສົມກັບຊື່ວ່ານາງງາມຈັກກະວານ ເຊິ່ງສາວລາວເຮົາໄດ້ເຂົ້າຮ່ວມສອງປີແລ້ວຄືສາວນຸ້ຍປີທໍາອິດ ແລະ ສາວອອນອານົງ ກໍ່ໄດ້ສ້າງປະຫວັດສາດ ແລະ ຊື່ສຽງໃຫ້ແກ່ປະເທດລາວເຮົາຄືໄດ້ລາງວັນຊະນະເລີດຊຸດປະຈໍາຊາດດີເດັ່ນ ໃນຊື່ ຊຸດກິນນາຣີ ເຊິ່ງວ່າກະສ້າງຄວາມຮືຮາໄປທົ່ວໂລກເລີຍກໍ່ວ່າໄດ້ ຫຼ້າສຸດນາງງາມຈັກກະວານໂລກປະເທດລາວ 2019 ສາວເມ ວິຈິດຕາ ພອນວິໄລ ສ້າງຄວາມຮືຮາທັງຄວາມງາມ ແລະ ຄວາມສາມາດໃນລະດັບການສຶກສາ, ການເດີນແບບເພາະເຄີຍເປັນນາງແບບໃນເວທີ Lao Super model ມາກ່ອນໄດ້ອັນດັບທີ 1 ນໍາອີກ ເລື່ອງພາສາຫາຍຫ່ວງເພາະສາວເມແມ່ນຮຽນທີ່ປະເທດອັງກິດຕົ້ນກໍາເນີດຂອງພາສາອັງກິດເລີຍ ການທີ່ຄົນລາວໃຫ້ຄວາມສົນໃຈໃນເວທີນີ້ຫຼາຍຂຶ້ນກວ່າເກົ່າມັນສົ່ງຜົນເຖິງຄວາມສາມັກຄີ ແລະ ຄວາມຮັກຊາດຂອງຄົນລາວເຮົາຫຼາຍຂຶ້ນ ປີນີ້ຕ້ອງຍ້ອງທີມງານກອງປະກວດທີ່ກຽມໂຕເລື່ອງຮູບພາບ ແລະ ການໂປຣໂໝດສາວເມໄດ້ດີຫຼາຍທຸກຜົນງານແມ່ນບໍ່ເຮັດໃຫ້ແຟນນາງງາມລາວບໍ່ຜິດຫວັງ.

ລາຍການທີ່ກ່ຽວຂ້ອງ

ວີດີໂອແນະນໍາ