ນ້ອງເອ້ ແລະ ນ້ອງແອ໋ນນິຕ້າ ຂັວນໃຈໄວໜຸ່ມຄົນໃໝ່ຫຼັງປ່ອຍ EP1 ສ້າງເຫຼດຕິ້ງເດັ້ນສູງເຖິງ 265K ຄາດຈະຮອດ 300K ໄວໆນີ້

ເອີ້ນໄດ້ວ່າມາແຮງອີ່ຫຼີສໍາລັບ ຊີຣີ້ ຮັກນີ້ສີບົວ 3 ຕັ້ງແຕ່ season 1 ແລະ season 2 ກໍ່ບໍ່ທໍາມະດາແລ້ວເຊິ່ງ season 3 ແມ່ນທາງຊີຣີ້ໄດ້ເລືອກເອົານ້ອງເອ້ ຈາກທາລາ ແລະ ນ້ອງແອ໋ນນິຕ້າ ຈາກ First ມາສະແດງນໍາກັນພຽງປ່ອຍ EP ທໍາອິດວັນຈັນກໍ່ເຮັດໃຫ້ຍອດວິວຂຶ້ນສູງເຖິງ 265K ແລະ ຈະເພີ່ມຂຶ້ນເລື້ອຍໆແນ່ນອນ ເຊິ່ງຖ້າເວົ້າໃນເນື້ອເລື່ອງຂອງຊີຣີ້ ຮັກນີ້ສີບົວ 3 ເປັນເລື່ອງກ່ຽວກັບຄວາມຮັກໃສໆທີ່ທາງເພິ່ນໄດ້ວາງຄອນເຊັບແບບນີ້ມາທຸກ season ແຕ່ປີນີ້ຈະພິເສດຢ່າງໜຶ່ງຄຸນະພາບທັງພາບ ແລະ ສຽງຖືວ່າພັດທະນາຂຶ້ນຫຼາຍແຮງເຮັດໃຫ້ຄົນເບິ່ງໄດ້ອັດທະລົດການຮັບຊົມຊີຣີ້ຫຼາຍຂຶ້ນລວມທັງຄວາມໜ້າຮັກຂອງຄູ່ຫຼັກນາງເອກ ແລະ ພະເອກ ຫຼື ແມ້ແຕ່ໂຕຮອງກໍ່ມີຄວາມຫຼໍ່ໜ້າຮັກເຊັ່ນກັນສ່ວນຄົນຈະອິນຫຼືບໍ່ອິນກັບນາງເອກ ແລະ ພະເອກສໍາລັບ EP ຕໍ່ໄປເຮົາກະຕິດຕາມຊີຣີ້ເພິ່ນນໍາກັນໄດ້ເດີ້ທີ FB: Sunsilk Laos

ສາມາດຕິດຕາມນ້ອງເອ້ໄດ້ທີ FB: Aey Inthavong ແລະ ນ້ອງແອ໋ນນິຕ້າ ໄດ້ທີ FB: A’Anitar Yaganegi

ລາຍການທີ່ກ່ຽວຂ້ອງ

ວີດີໂອແນະນໍາ