ພິທີມອບລາງວັນການແຂ່ງຂັນຮູບເງົາສາລະຄະດີ ແລະ ຮູບເງົາສັ້ນເພື່ອຄວາມຮັກແພງລາວ-ຈີນ ພາຍໃຕ້ຫົວຂໍ້ “ເລື່ອງເລົ່າເຈົ້າແລະຂ້ອຍ”

ວັນທີ 19/08/2019 ໄດ້ມີວິທີການຈັດງານມອບລາງວັນໃຫ້ກັບຜູ້ເຂົ້າປະກວດແຂ່ງຮູບເງົາສັ້ນພາຍໃຕ້ຫົວຂໍ້ ເລື່ອງເລົ່າເຈົ້າ ແລະ ຂ້ອຍ ທີ່ມີຄວາມໝາຍ ແລະ ຄວາມສໍາຄັນໃນການສ້າງຂະບວນການສະເຫຼີມສະຫຼອງປີທ່ອງທ່ຽວລາວຈີນ ກໍ່ຄືເປັນການສົ່ງເສີມສາຍພົວພັນມິດຕະພາບລະຫວ່າງສອງປະເທດຜ່ານຊ່ອງທາງຮູບເງົາ ພ້ອມດຽວກັນນີ້ການແຂ່ງຂັນຮູບເງົາໃນຄັ້ງນີ້ີ້ຍັງເປັນການສ້າງເວທີໃຫ້ແກ່ຮູບເງົາລາວໄດ້ມີໂອກາດສະແດງຄວາມສາມາດ ແລະ ຜົນງານຂອງເຂົາເຈົ້າອອກສູ່ສາຍຕາສັງຄົມເຊິ່ງຈະເປັນການປະກອບສ່ວນທີ່ສໍາຄັນໃນການຊຸກຍູ້ ແລະ ການສົ່ງເສີມຜະລິດຮູບເງົາໃນ ສປປລາວ ອີກດ້ວຍ. ຜົນງານທີ່ເຂົ້າຮ່ວມທັງໝົດມີ 28 ເລື່ອງ ໃນນັ້ນຮູບເງົາສັ້ນມີຈໍານວນ 21 ເລື່ອງຮູບເງົາສາລະຄະດີ 7 ເລື່ອງ. ຜົນງານສ່ວນຫຼາຍໄດ້ໄປເກັບພາບຢູ່ສະຖານທີ່ຕ່າງໆ ພາບມີສີສັນ, ຕົວລະຄອນຫຼາກຫຼາຍ, ເຊິ່ງສາມາດສໍາຜັດເຖິງຄວາມຕັ້ງໃຈ ແລະ ຄວາມທຸ້ມເທຂອງຜູ້ເຂົ້າແຂ່ງຂັນ ເນື້ອໃນຂອງຜົນງານຕ່າງໆໄດ້ຖ່າຍທອດໃຫ້ເຫັນເຖິງການທ່ອງທ່ຽວ, ວັດທະນະທໍາ ການສຶກສາ ການໄປມາຫາສູ່ກັນຢ່າງມີໄມຕີຈິດລະຫວ່າງສອງປະເທດລາວຈີນ. ລາງວັນຊະນະເລີດການປະກວດທີ 1  ແມ່ນເລື່ອງ “ບ້ານເກີດ” ໂດຍທ່ານ ກ່າຊິງ

ລາງວັນຊະນະເລີດອັນດັບ 2 ແມ່ນ ຮູບເງົາ “ໜີຫາວ” ແມ່ນທ່ານ ສອນປະສິດ ພັນທິລາ

ລາງວັນຊະນະເລີດອັນດັບທີ 3 ແມ່ນຮູບເງົາ “ກັງຟູລ້ານຊ້າງ”

ລາງວັນຊົມເຊີຍໃນການສະແດງຮູບເງົາສາລະຄະດີສັ້ນແມ່ນ ‘ວັນແຫ່ງຄວາມເສົ້າ Sad day” ໂດຍ ທ່ານອະນຸລັກ ສຸດແຮງເພັດ

ລາງວັນອັນດັບ 2 ໃນຮູບເງົາສາລະຄະດີສັ້ນແມ່ນຮູບເງົາ  “ພວກເຮົາ” ໂດຍທ່ານ ຟອງສະໝຸດ ພັນທະນຸວົງ

ລັງວັນອັນດັບ 3 ຮູບເງົາສາລະຄະດີສັ້ນແມ່ນ ຮູບເງົາ “ອຸດົມການ”  ນາງ ຈັນທະຈອນ ນາກມົງຄົນ

ລາງວັນຊົມເຊີຍປະເພດສາລະຄະດີແມ່ນ “ເລື່ອງລາວຈາກນ້ອງສາຍຝົນ” ໂດຍທ່ານ  ອິນທະນົງສັກ ຂ່ຽມຄໍາ ແລະ ຮູບເງົາສາລະຄະດີ “ເມືອງກວັນວັນນີ້” ໂດຍທ່ານ ໄໝທະວີເພັດ.

    

ລາຍການທີ່ກ່ຽວຂ້ອງ

ວີດີໂອແນະນໍາ