ພິທີຖະແຫລງຂ່າວໂຄງການປະກວດ Miss World Laos 2019.

“ງາມຢ່າງມີຄຸນຄ່າ ສູ່ສາຍຕາທີ່ສໍາຜັດໄດ້” ຢ່າງເປັນທາງການໃນວັນທີ 28 ມິຖຸນາ 2019 ທີ່ໂຮງແຮມເລີ ທາດຫລວງ ດຣ.

ໂອກາດທີ່ເຈົ້າຈະໄດ້ອວດຄວາມງາມຢ່າງມີຄຸນຄ່າສູ່ສາຍຕາໂລກມາເຖິງແລ້ວ, ບໍລິສັດ Prime Modeling Agency ຜູ້ຖືລີຂະສິດຈັດງານປະກວດ Miss World Laos 2019 “ງາມຢ່າງມີຄຸນຄ່າ ສູ່ສາຍຕາທີ່ສຳຜັດໄດ້” ເວທີຄວາມງາມທີ່ອະລັງການຍິ່ງໃຫຍ່ ແລະ ຊົງຄຸນຄ່າທີ່ສຸດຂອງສປປລາວ, ເພື່ອຄົ້ນຫາ 1 ຕົວແທນສາວງາມແຫ່ງປະເທດລາວສູ່ເວທີລະດັບໂລກ Miss World 2019 ເປີດໂອກາດໃຫ້ສາວງາມທົ່ວປະເທດທີ່ມີຄວາມສາມາດ ທີ່ມີທັດສະນະຄະຕິທີ່ດີ ມີປະຕິພານໄຫວພິບ ມີຄວາມມຸ້ງໝັ້ນ ໄດ້ມາສະແດງສັກກະຍະພາບ ເພື່ອຄວ້າມຸງກຸດມູນຄ່າສູງເຖິງ 150,000,000 ກີບ ພ້ອມທັງປະກາດໃຫ້ຊາວໂລກໄດ້ຮັບຮູ້ວ່າ ສາວລາວບໍ່ພຽງແຕ່ມີຄວາມສະຫງ່າງາມເທົ່ານັ້ນ ແຕ່ຍັງມີຄວາມສາມາດຮອບດ້ານບໍ່ແພ້ຊາດໃດໃນໂລກ ນອກຈາກນີ້ ສຳລັບນາງສາວທີ່ໄດ້ຕຳແໜ່ງຮອງກໍຈະໄດ້ຮັບມົງກຸດອັນຊົງກຽດມູນຄ່າສູງເຖິງ 80,000,000 ກີບ, ໃນພິທີດັ່ງກ່າວເຂົ້າຮ່ວມຖະແຫລງຂ່າວໂດຍມີຜູ້ຊົງກຽດດັ່ງນີ້ : ປອ.ອັນຊະລີ ວົງອະລິຍະກະວີ ຜູ້ອຳນວຍການກອງປະກວດ, ປອ.ພອນສິນ ບຸດກັດກາ ຜູ້ອຳນວຍການຝ່າຍການຕະຫລາດ, ທ່ານ ສຸລິຍາ ແກ້ວພິລາວົງ ຫົວໜ້າກົມຂະບວນການຊາວໜຸ່ມ ສູນກາງຊາວໜຸ່ມ ປະຊາຊົນ ປະຕິວັດລາວ ແລະ ທ່ານນາງ ກະດຸມເພັດ ໄຊຍະວົງ Miss World Laos 2018.

ສຳລັບມື້ເປີດຮັບສະໝັກປະກວດແມ່ນຈະຈັດຂຶ້ນໃນວັນທີ 30 ມິຖຸນາ 2019 ແລະ ຮອບຊິງຊະນະເລີດຈະໄດ້ຈັດຂຶ້ນໃນວັນທີ 20 ກັນຍາ 2019, ສຳລັບຂໍ້ມູນເພີ່ມຕື່ມຂອງການປະກວດສາມາດຕິດຕາມໄດ້ທີ່ : Facebook Page : Miss World Laos.

ລາຍການທີ່ກ່ຽວຂ້ອງ

ວີດີໂອແນະນໍາ