ຫຼໍ່ທັງໃນຈໍ ແລະ ນອກຈໍ ກັບໜຸ່ມ ອາເລັກ GB2..

ເມື່ອເວົ້າຊື່ນີ້ມາແອັດເຊື່ອວ່າຫຼາຍໆຕ້ອງຮູ້ຈັກກັບໜຸ່ມ ອາເລັກ GB2 ວົງບອຍແບຣນອັນດັບ1ຂອງລາວເຮົາ ທີ່ເປັນຂວັນໃຈສາວນ້ອຍສາວໃຫຍ່ ມີແຟນຄຣັບທຸກລຸ້ນ ແລະ ຍັງດັງໄກເຖິງປະເທດເພື່ອນບ້ານເລີຍເດີ້ ໜຸ່ມອາເລັກເປັນນັກຮ້ອງລາວຄົນໜຶ່ງທີ່ເກັ່ງມີຄວາມສາມາດຫຼາຍໆດ້ານ ນອກຈາກຮ້ອງເພງເພິ່ນຍັງເຮັດວຽກຫຼາຍໆຢ່າງໃນວົງການບັນເທີງ ແລະ ຍັງເປັນດາລາທີ່ມີຈິດໃຈເມດຕານຳອີກສັງເກດໄດ້ວ່າມີງານການກຸສົນຢູ່ໃສແມ່ນເຫັນອາເລັກຢູ່ຫັ້ນ ບາງງານບໍ່ໄດ້ໄປເພິ່ນກໍ່ແປງຮ່າງເປັນສາຍເປຈະໂອນໄວເດີ້ຜູ້ນິ (ໂອນເງິນໄປຊ່ວຍເຫຼືອຫັ້ນນະ ອິອິ) ທີ່ຜ່ານມາກໍ່ມີຫຼາຍງານຈົນນັບບໍ່ຖ້ວນ ແລະຫຼ້າສຸດເພິ່ນກໍ່ໄດ້ເປັນຫົວໂປ່ໂພສຢູ່ເຟສບຸກສ່ວນຕົວເພື່ອລະດົມທຶນໄປຊື້ອຸປະກອນ ແລະ ຢາ ທີ່ສູນສົງເຄາະສົມສະງ່າຂາດແຄນເພື່ອນຳໄປມອບໃຫ້ໃນວັນທີ 17/03/2019 ທີ່ຜ່ານມານີ້ ລວມທັງເຮັດອາຫານເພື່ອລ້ຽງເຂົ້າສວາຍຜູ້ເຄາະຮ້າຍທີ່ຢູ່ສູນສົງເຄາະລວມທັງໝົດ 202ຄົນດ້ວຍກັນ ການຮ່ວມເຮັດບຸນຄັ້ງນີ້ອີກຄົນທີ່ບໍ່ເວົ້າເຖິງບໍ່ໄດ້ກໍ່ຄື ນາງ ຈັນດາລີ ສິດພະໄຊ ຫຼືຫຼາຍຄົນຮູ້ຈັກໃນນາມ ທ່ານໜໍແໜ່ງ https://www.facebook.com/NINGNANG.LIPICE ເຖິງໂຕບໍ່ໄດ້ໄປແຕ່ງກໍ່ຍັງໂອນເງິນມາຮ່ວມເຮັດບຸນນຳຈຳນວນ 2.222.222ກີບ ຍັງມີພະນັກງານເອລິສຮ່ວມບໍລິຈາກ ລວມເຖິງດາລາເນັດໄອດໍ້ໃນສັງກັດເອລິສອີກຫຼາຍທ່ານ ແລະ ຄອບຄົວເຕາະ Make up ທີ່ເປັນເຫື່ອແຮງເຮັດອາຫານທັງໝົດ ແອັດເຫັນເພິ່ນແລ້ວດີໃຈທີ່ຄົນລາວເຮົາຍັງມີນ້ຳໃຈຊ່ວຍເຫຼືອ ບໍ່ປະບໍ່ຖິ້ມກັນ ຮູ້ສຶກຢາກຂອບໃຈບັນດາທ່ານທີ່ໄດ້ກ່າວມາທາງດ້ານເທິງແທນສູນສົງເຄາະ..

ສູນສົງເຄາະສົມສະງ່າ ເພິ່ນຍັງຂາດເຄື່ອງໃຊ້ຕ່າງໆ ອາຫານແຫ້ງຈຳນວນຫຼາຍ ແລະກຳລັງສິສ້າງສາລາ ສຳຫຼັບໃຜທີ່ມີນ້ຳໃຈຢາກຮ່ວມຊ່ວຍເຫຼືອເພິ່ນກໍ່ຕິດຕໍ່ສອບຖາມຂໍ້ມູນນຳຜູ້ດູແລຢູ່ທີ່ນັ້ນໄດ້ 030 5389728

Facebook: https://www.facebook.com/alexson.gb2

Follow me: https://www.facebook.com/oohdara/

#OhDaraLaos

#GOODGIRL

ລາຍການທີ່ກ່ຽວຂ້ອງ

ວີດີໂອແນະນໍາ