ລູກນ້ຳ ແລະ ຕຸ້ຍ Overdance ໄດ້ຮັບລາງວັນທູດວັດທະນະທຳອາຊຽນ

ຕຸ້ຍ – ອິນປັນ ບໍລິຫານ ນັກຮ້ອງຈາກວົງ Overdance ແລະ ລູກນໍ້າ – ທິດາລັດ ວົງສິລິ ໄດ້ຮັບລາງວັນທູດວັດທະນະທຳອາຊຽນ ເຊິ່ງມອບໂດຍໂຄງການ ASEAN Cultural Day ປະຈຳປີ 2019 ຈັດໂດຍສູນອາຊຽນສຶກສາ ຮ່ວມກັບສຳນັກສິລະປະ ແລະ ວັດທະນະທຳ ມະຫາວິທະຍາໄລຣາຊະພັດການຈະນະບູລີ ປະເທດໄທ, MCU-ASEAN Student Networks ແລະ ພາຄີເຄືອຂ່າຍ ໃນການຈັດງານ ASEAN Cultural Day . ເຊິງຄະນະກຳມະການໄດ້ພິຈາລະນາເລືອກເອົາ ລູກນໍ້າ ທິດາລັດ ແລະ ຕຸ້ຍ Overdance ທີ່ໄດ້ຮັບລາງວັນດັ່ງກ່າວ ເນື່ອງຈາກທັງສອງເປັນພຸດທະສາສະນິກະຊົນ ທີ່ດຳລົງຕົນຢູ່ໃນສິນທຳອັນດີງາມ ແລະ ມີຜົນງານສົ່ງເສີມສາສະໜາ, ສັງຄົມ ແລະ ປະຊາຄົມອາຊຽນຢູ່ຕະຫຼອດມາ. ແຫຼ່ງຂ່າວກ່າວວ່າ ພາຍຫຼັງທີ່ໄດ້ຮັບລາງວັນແລ້ວ ສິລະປິນລາວທັງສອງທ່ານນີ້ຈະໄດ້ຮ່ວມເປັນສື່ປະຊາສຳພັນລົນນະລົງໃຫ້ປະຊາຄົມອາຊຽນໄດ້ຮັບຮູ້ເຖິງຄວາມສຳຄັນຂອງປະຊາຄົມອາຊຽນ ແລະ ສົ່ງເສີມການຢູ່ຮ່ວມກັນໃນສັງຄົມພະຫຸວັດທະນະທຳຕໍ່ໄປ.





ລາຍການທີ່ກ່ຽວຂ້ອງ

ວີດີໂອແນະນໍາ