ຮູ້ຫຼືຍັງວ່າ ງານ LBC Oktoberfest 2018 ພິເສດຂະຫນາດໃດ?

ຈັດຂຶ້ນເປັນປີທີ 2 ແລ້ວສຳລັບງານ Oktoberfest!  ມື້ນີ້ແອັດເລີຍຢາກມາເລົ່າສູ່ຟັງກັບປະສົບການຂອງປີກາຍນີ້ເຊິ່ງເພິ່ນໄດ້ຈັດຂຶ້ນເປັນປີທຳອິດ! ສຳລັບແອັດມິນຄິດວ່າເປັນງານທີ່ແປກໃຫມ່ແລະຫນ້າຕື່ນຕາຕື່ນໃຈສຳລັບບ້ານເຮົາ,  ເພາະງານຂອງເພິ່ນນັ້ນເປັນງານຮວບຮວມເອົາເບຍທີ່ມີລົດຊາດດີຈາກທັງພາຍໃນ ແລະ ຕ່າງປະເທດມາໃຫ້ເຮົາໄດ້ລີ້ມລອງລົດຊາດກັນ (ແອັດມິນຂໍບອກເບົາໆວ່າ ຄໍເບຍບໍ່ຄວນພາດຢ່າງແຮງ)

ແຕ່ສິ່ງທີ່ຫນ້າສົນໃຈອີກຢ່າງນັ້ນກໍ່ຄືບັນຍາກາດ ແອັດວ່າເລີດ ມັນຄ້າຍໆຄືກັບເຮົາກຳລັງສັງສັນກັບຫມູ່ໃນໃຈກາງຫມູ່ບ້ານຂອງຄົນຕາເວັນຕົກເລີຍ (ບໍ່ເຊື່ອແມ່ນບໍ່ ? ທ້າໃຫ້ໄປສຳຜັດເອງແລ້ວຈະຄິດແບບດຽວກັນ ອິອິ) ເພາະການແຕ່ງໂຕຂອງງານນີ້ບໍ່ວ່າຈະເປັນຊາຍ ຫຼື ຍິງເພິ່ນແຕ່ງໂຕສໄຕຣ ຊຸດພື້ນເມືອງເຢຍລະມັນ ເຊິ່ງເຮົາຈະໄດ້ຄວາມຮູ້ສຶກວ່າເຮົາຢູ່ເອີຣົບກັນກໍ່ວ່າເລີຍ. ລວມເຖິງດົນຕີທີ່ໄດ້ຍິນມາວ່າ ເພິ່ນນຳເອົາສິລະປິນທີ່ມີຊື່ສຽງຈາກທາງເອີຣົບເຊິ່ງເຄີຍໄດ້ເຂົ້າຮ່ວມສະແດງດົນຕີໃນງານ Oktoberfest ທີ່ປະເທດເຢຍລະມັນ ແລະ ຫຼາຍໆປະເທດທີ່ຜ່ານມາ. ສົມພໍແຫຼະເຂົ້າກັນໄດ້ດີກັບບັນຍາກາດງານສຸດໆ!!  ແລ້ວທີ່ພາດບໍ່ໄດ້ລະແອັດກະບໍ່ພາດນັ້ນກໍ່ຄື ອາຫານ ແຊ໊ບບບບບບບບເວີ້ ຄົນທີ່ມັກອາຫານແບບຄົນຕາເວັນຕົກນີ້ ຖືກໃຈແນ່ນອນ ແຕ່ໃຜຍັງບໍ່ເຄີຍລອງກິນອາຫານແບບນີ້ກໍ່ສາມາດໄປລອງຊິມໄດ້ເດີ້.

ນີ້ແມ່ນບັນຍາກາດຂອງປີກາຍທີ່ແອັດມິນໄດ້ໄປມາແລ້ວເອົາມາບອກຕໍ່ແບບສັ້ນໆເດີ້ ເຄື່ອງດື່ມດີໆ,ບັນຍາກາດເລີດໆ,ອາຫານແຊບໆ ແຕ່ຖ້າໃຜຄິດວ່າແອັດເວົ້າເວີ້ໄປຢາກທ້າໃຫ້ໄປສຳຜັດເອງເລີຍເພາະງານເພິ່ນຈັດພຽງ 4ມື້ເທົ່ານັ້ນ ຄືວັນທີ 18-19-20-21 ຕຸລາ 2018 ນີ້, ທີ່ເດີ່ນຈອດລົດຫໍວັດທະນະທຳແຫ່ງຊາດເດີ້ ໜຶ່ງປີມີຄັ້ງດຽວເທົ່ານັ້ນເຮົາຈະພາດໄດ້ແນວໃດ ປີນີ້ແອັດມິນໄປອີກແນ່ນອນ ແລ້ວພົບກັນເດີ້ (:

#ProudToBeLao #Oktoberfest2018 #Oktoberfest2018VTE

 

ລາຍການທີ່ກ່ຽວຂ້ອງ

ວີດີໂອແນະນໍາ