“ຟ່ານ ປິງ ປິງ” ດາລາຊື່ດັງຂອງຈີນ ຫມົດອານາຄົດໃນວົງການບັນເທິງ ໃຊ້ຊີວິດຢູ່ໃນຫ້ອງຂັງ !!

ເວັບໄຊດ໌ “ໄຕ້ຫວັນນິວສ໌” ລາຍງານວ່າ “ຟ່ານ ປິງ ປິງ” ດາລາຜູ້ມີຊື່ສຽງສາວຊາວຈີນໄວອາຍຸ 36ປີ ຖືກທາງການຈີນຈັບກຸມຈາກຂໍ້ກ່າວຫາວ່າຫຼົບຫຼີກພາສີດ້ວຍການເຮັດສັນຍາ2ສະບັບ ຫຼັງຫາຍຫນ້າຢ່າງລຶກລັບປະມານ 3 ເດືອນ.
ຈາກການລາຍງານຂອງສື່ທາງການຈີນ “Securities Daily” ໄດ້ລາຍງານວ່າ: ດາລາສາວຟ່ານປິງປິງຍັງຄົງຢູ່ໃນເຮືອນຈຳ ມັນເປັນເລື່ອງທີ່ຫນ້າເສົ້າໃຈຢ່າງແທ້ຈິງແລະຈະຍັງບໍ່ສາມາດອອກຈາກເຮືອນຈຳໄດ້ ນອກຈາກປະເດັນການເຮັດສັນຍາບໍ່ໂປ່ງໃສແລ້ວເຈົ້າຫນ້າທີ່ຕຳຫຼວດຍັງຂະຫຍາຍຜົນອີກວ່າດາລາສາວຊື່ດັງເປັນຜູ້ຕ້ອງສົງໄສຕ້ອງພົວພັນກັບການກູ້ຢືມເງິນທະນາຄານແລະຄະດີສໍ້ໂກງອີກຫຼາຍຂໍ້ຫາແລະອາດໄດ້ຮັບໂທດຕາມກົດຫມາຍ.

ເມື່ອເດືອນພຶດສະພາ ທ້າວຊຸຍ ຍົ່ງຫຍວນ ຜູ້ປະກາດຂ່າວຊ່ອງ ຊີຊີທີວີ ໄດ້ກ່າວຜ່ານທາງໂຊຊ້ຽວມີເດຍວ່າ: ຟ່ານປິງປິງ ເຊັນສັນຍາ2ສະບັບແມ້ຈະເປັນໂຄງການດຽວກັນຈາກການເຊັນສັນຍາຫຼິ້ນຮູບເງົາເລື່ອງ Cell phone2 ສັນຍາທີຫນຶ່ງມູນຄ່າ 2ລ້ານຫຼຽນ ຫຼືປະມານ 1.7ຕື້ກີບ, ຂະນະທີ່ສັນຍາທີສອງມູນຄ່າ 10ລ້ານຫຼຽນ ຫຼືປະມານ 8.5ຕື້ກີບ ໂດຍຈະລາຍງານລາຍໄດ້ພຽງໃນສັນຍາສະບັບທີຫນຶ່ງໃຫ້ເຈົ້າຫນ້າທີ່ເກັບພາສີ ສ່ວນສັນຍາທີສອງດາລາສາວໄດ້ຮັບເງິນເຕັມຈຳນວນເພາະບໍ່ລາຍງານຕໍ່ເຈົາຫນ້າທີ່ ໃນເວລານັ້ນຟ່ານປະຕິເສດວ່າບໍ່ໄດ້ເຮັດຫຍັງຜິດຕາມທີ່ທ້າວຊຸຍໄດ້ກ່າວຫາແລະຈ້າງທີມທະນາຍສູ້ຂໍ້ກ່າວຫາ ໂດຍຟ່ານໂພສໃນບັນຊີເຫວ່ຍປໍຂອງໂຕເອງເທື່ອສຸດທ້າຍເມື່ອວັນທີ 2ມິຖຸນາ ແລະບໍ່ໄດ້ອອກງານຕ່າງໆນັບແຕ່ມື້ນັ້ນເປັນຕົ້ນມາ.

ທາງສື່ “ET today” ລາຍງານວ່າທຳອິດດາລາຊື່ດັງຟ່ານປິງປິງຖືກຄວບຄຸມໂຕໃນປາຍເດືອນມິຖຸນາ ແຕ່ຖືກປ່ອຍໂຕໃນອີກ 2ມື້ຕໍ່ມາ ຢ່າງໃດກໍ່ຕາມ ໄດ້ຖືກຈັບກຸມອີກເທື່ອຫນຶ່ງໃນຊ່ວງຕົ້ນເດືອນສິງຫາ ແລະຢູ່ໃນຫ້ອງຂັງຕະຫຼອດນັບຕັ້ງແຕ່ນັ້ນມາ ຊຶ່ງຄົນໃນວົງການອຸສາຫະກຳບັນເທິງໄດ້ເວົ້າວ່າ: ການຢູ່ໃນຄຸກນັ້ນທຽບເທົ່າກັບໂທດຕາຍໃນທຸລະກິດບັນເທີງ ຊຶ່ງໄດ້ສົ່ງຜົນໃຫ້ດາລາສາວຊື່ດັງຟ່ານປິງປິງອາດຈະບໍ່ສາມາດກັບເຂົ້າມາໃນວົງການບັນເທິງໄດ້.
ສຳລັບປະຫວັດຟ່ານປິງປິງເປັນຫນຶ່ງໃນດາລາທີ່ໄດ້ຄ່າໂຕສູງສຸດຄົນຫນຶ່ງໃນຈີນ ໂດ່ງດັງຈາກລະຄອນ “ອົງຍິງກຳມະລໍ” ຊຶ່ງອອກສາຍໃນຊ່ອງໂທລະພາບຊ່ວງປາຍປີຍຸກ 90 ແລະຈາກຫນັງ “Cell Phone” ພາກທຳອິດ ເປັນຮູບເງົາຈີນທີ່ເຮັດລາຍໄດ້ສູງສຸດຂອງຈີນໃນປີ 2003, ຟ່ານປິງປິງໄດ້ລາຍໄດ້ປະມານ 17ລ້ານຫຼຽນ ຫຼືປະມານ 14.4ຕື້ກີບໃນປີ2015 ເຮັດໃຫ້ຟ່ານຕິດອັນດັບ5 ດາລາຄ່າໂຕສູງສຸດໃນຈີນ ຈາກນັ້ນດາລາດັງກໍ່ໂກອິນເຕີຮ່ວມງານກັບວົງການຮໍລິວູດຫຼິ້ນຮູບເງົາເລື່ອງ X-Men: Days Of Future Past.

 

ລາຍການທີ່ກ່ຽວຂ້ອງ

ວີດີໂອແນະນໍາ