ຖ້າຢາກເປັນຜູ້ນຳທີ່ດີ ເປັນຫຍັງຕ້ອງອ່ານໜັງສືໃຫ້ຫຼາຍເຂົ້າໄວ້?

ການອ່ານໜັງສືເປັນກິດຈະກຳທີ່ຄົນທົ່ວໂລກໃຫ້ຄວາມສົນໃຈໜ້ອຍລົງ ຈາກຜົນການສໍາຫຼວດ ແລະສະຖິຕິຕ່າງໆສະແດງໃຫ້ເຫັນວ່າ ການຫຼຸດລົງນີ້ນັບວ່າເປັນພຶດຕິກໍາທີ່ໜ້າເປັນຫ່ວງຫຼາຍ ເພາະການຂາດນັກອ່ານ ນັ້ນໝາຍເຖິງການຂາດແຄນຜູ້ນຳ ເລື່ອງນີ້ເປັນເລື່ອງທີ່ປະຕິເສດບໍ່ໄດ້ເລີຍ ເພາະການອ່ານໜັງສືຊ່ວຍໃຫ້ເຈົ້າຄົ້ນພົບທາງໃນການເປັນຜູ້ນໍາທີ່ດີໄດ້ ຜູ້ນໍາທີ່ມີຊື່ສຽງຫຼາຍໆຄົນເຊັ່ນ Steve Jobs ຫຼືຈະເປັນ Elon Musk ລ້ວນແຕ່ມີສ່ວນຮ່ວມໃນການສ້າງສັນຜົນງານທາງດ້ານສະຕິປັນຍາ ທີ່ພວກເຂົາເປັນແບບນັ້ນ ສ່ວນໜຶ່ງກໍຍ້ອນພວກເຂົາເປັນນັກອ່ານນັ້ນເອງ.

.

ແລ້ວຄຳຖາມກໍຄື “ເປັນຫຍັງ…ຈຶ່ງເປັນແບບນັ້ນລ່ະ?”

.

ພວກເຂົາມີທັກສະໃນການຜູກສໍາພັນທີ່ດີກວ່າ

ນັກວິໄຈຫຼາຍທ່ານກ່າວວ່າ ການອ່ານໜັງສືສົ່ງເສີມໃຫ້ສະໝອງພະຍາຍາມທີ່ຂະເຊື່ອມໂຍງຕົວຜູ້ອ່ານກັບຕົວລະຄອນໃນໜັງສື. ຕໍ່ໃຫ້ພວກເຮົາບໍ່ອ່ານໜັງສືໄປຫຼາຍມື້ ແຕ່ສະໝອງຂອງພວກເຮົາກໍຍັງຄົງເຮັດໜ້າທີ່ເປັນສື່ກາງໃນການເຊື່ອມໂຍງຕົວເຮົາກັບປະສົບການ ແລະພຶດຕິກໍາຂອງຕົວລະຄອນເຫຼົ່ານັ້ນຢູ່. ການທີ່ເຮົາເຊື່ອມໂຍງກັບຕົວລະຄອນຕ່າງໆໃນ
ໜັງສື ຈະເຮັດໃຫ້ເຮົາໄດ້ພັດທະນາຄວາມສະຫຼາດທາງດ້ານອາລົມ ແລະກາຍເປັນຄົນທີ່ຜູກສໍາພັນກັບຜູ້ຄົນໄດ້ເກັ່ງຂຶ້ນ!!

(ບອກຕາມຕົງເລີຍ…ຂ້ອຍມັກຫົວຂໍ້ນີ້ຫຼາຍ ເພາະມັນເປັນຄວາມຈິງແທ້…)

.

ພວກເຂົາມີຄັງຄໍາສັບໃນສະໝອງ

ຄົນທີ່ມັກອ່ານໜັງສືຈະມີໂອກາດພັດທະນາຄໍາສັບທີ່ພວກເຂົາຮູ້ຈັກທີ່ບົ່ງບອກເຖິງອາລົມຕ່າງໆໄດ້ຫຼາຍຂຶ້ນ. ການອ່ານໜັງສືໃຫ້ຫຼາຍຂຶ້ນ ຈະຊ່ວຍເພີ່ມຄຳສັບໃນສະໝອງຂອງຜູ້ອ່ານໃຫ້ຫຼາຍຂຶ້ນ ແລະດ້ວຍຄວາມສາມາດດ້ານຄໍາສັບທີ່ດີຂຶ້ນນີ້ເອງ ຄົນໆນັ້ນຈະມີທັກສະໃນການສື່ສານທີ່ດີຂຶ້ນໄປພ້ອມໆກັນ ເຊິ່ງມັນຊ່ວຍໄດ້ຫຼາຍເລີຍ ໃນການສະແດງຄວາມຄິດ ແລະຄວາມຕ້ອງການ ສິ່ງນີ້ຈະຊ່ວຍໃຫ້ເຈົ້າສະແດງຄວາມຕ້ອງການໄດ້ຢ່າງຊັດເຈນ ແລະນັ້ນຈະນໍາໄປສູ່ການເປັນຜູ້ນໍາທີ່ດີີໄດ້.

.

ພວກເຂົາມີມຸມມອງທີ່ກວ້າງໄກ

ແທນທີ່ຈະເບິ່ງໂລກພຽງແຕ່ໃນມູມທີ່ເຮົາຕ້ອງການຈະຮັບຮູ້ ນັກອ່ານຈະເບິ່ງໂລກໃນແບບພາບລວມ ການອ່ານຈະເຮັດໃຫ້ໄດ້ໄປສູ່ບ່ອນໃໝ່ໆ ມີສ່ວນຮ່ວມໃນຫົວຂໍ້ສົນທະນາຕ່າງໆ ແລະກາຍເປັນສ່ວນໜຶ່ງຂອງເລື່ອງລາວທີ່ຫຼາກຫຼາຍຍນັ້ນ ການມີມູມມອງທີ່ກວ້າງໄກຈະເຮັດໃຫ້ເຈົ້າບໍ່ຕິດຢູ່ກັບເລື່ອງເກົ່າໆ ຫຼືຄວາມຈິງພຽງດ້ານດຽວ ແຕ່ມັນຈະເຮັດໃຫ້ເຈົ້າໄດ້ເຫັນໂລກວ່າເປັນສະຖານທີ່ທີ່ເຕັມໄປດ້ວຍຄວາມທ້າທາຍ ແລະຄວາມເປັນໄດ້ທີ່ບໍ່ມີວັນຢຸດ.

.

ພວກເຂົາຮູ້ຈັກຜູ້ຄົນຫຼາຍ

ຜູ້ຄົນມັກສື່ສານ ແລະມີປະຕິສໍາພັນກັນເຫຼົ່ານັກອ່ານ ເພາະພວກເຂົາສາມາດສ້າງປະໂຫຍກທີ່ດີ ດ້ວຍຄໍາສັບທີ່ຫຼາກຫຼາຍ ໃນການສົນທະນາ ພວກເຂົາມີຄວາມເຂົ້າຢ່າງສຽບແຫຼມ ແລະເບິ່ງເປັນຄົນທີ່ມີຄວາມຮູ້ເມື່ອຕ້ອງສົນທະນານໍາ ເຊິ່ງການແລກປ່ຽນຄວາມຮູ້ ແລະການສື່ສານກັບຜູ້ຄົນທີ່ມີຄວາມສົນໃຈຄ້າຍຄືກັນ ຈະຄືກັບການກະຕຸ້ນ ແລະຂັບເຄື່ອນເຫຼົ່ານັນອ່ານໄປສູ່ການມີພາວະຜູ້ນຳໃຫ້ຫຼາຍຂຶ້ນໄປອີກດ້ວຍ.

.

ພວກເຂົາຜ່ອນຄາຍ

ຜົນການສຶກສາສະແດງໃຫ້ເຫັນວ່າ ການອ່ານໜັງສືຊ່ວຍຫຼຸດຄວາມຄຽດໄດ້ ປຽບທຽບກັບກິດຈະກໍາຫຼຸດຄວາມຄຽດອື່ນໆ ເຊັ່ນ ການຟັງເພງທີ່ມັກ ຫຼືການດື່ມຊາກາເຟ. ການອ່ານໜັງສືເປັນວິທີທີ່ໄດ້ຜົນດີທີ່ສຸດ ເພາະມັນຊ່ວຍຫຼຸດອັດຕາການເຕັ້ນຂອງຫົວໃຈ ແລະປົດປ່ອຍຄວາມຕຶງຄຽດໄດ້ໄວ ແລະດ້ວຍລັກສະນະນິໄສທີ່ສະຫງົບ ນັກອ່ານຈະເປັນຄົນທີ່ຄິດບວກ ແລະມີສະມາທິຈົດຈໍ່ກັບສິ່ງຕ່າງໆ ເຊິ່ງເໝາະທີ່ຈະເປັນຜູ້ນໍາຫຼາຍກວ່າຄົນອື່ນ.

.

ພວກເຂົາມີເລື່ອງໃຫ້ທ້າທາຍຄວາມຄິດຢູ່ຕະຫຼອດ

ຜົນການວິໄຈບອກວ່າ ນັກອ່ານຄືເຫຼົ່າຄົນທີ່ເປັນນັກຄິດ ນັ້ນກໍເພາະວ່າ ການອ່ານຊ່ວຍສົ່ງເສີມຄວາມສາມາດທາງດ້ານສະຕິປັນຍາ ເຊິ່ງເຮັດໃຫ້ເປັນຄົນມີເຫດຜົນ ແລະແກ້ໄຂບັນຫາໄດ້ດີ ນອກຈາກນີ້ ຍັງເປັນທີ່ສັງເກດໄດ້ວ່າ ການອ່ານເລື່ອງລາວຕ່າງໆທີ່ບໍ່ຕົງກັບຄວາມຄິດເຫັນຂອງພວກເຮົາ ຈະສົ່ງຜົນຕໍ່ວິທີການຄິດທັງໃນເຊີງສ້າງສັນ ແລະເປັນເຫດເປັນຜົນອີກດ້ວຍ.

.

ພວກເຂົາມີສິ່ງທີ່ຊ່ວຍໃຫ້ລະນຶກເຖິງຄວາມຫຼັງ

ບາງເທື່ອການເປັນນັກອ່ານກໍຄືກັບວ່າ ໄດ້ສ່ອງເບິ່ງແວ່ນໂຕເອງ ໜັງສືບາງເຫຼັ້ມຊ່ວຍໃຫ້ເຈົ້າລະນຶກເຖິງສິ່ງທີ່ຕົວເອງຮູ້ຢູ່ແລ້ວ ການອ່ານໜັງສືຊ່ວຍຕອງຄວາມຄິດ ແລະການສັງເກດສິ່ງຕ່າງໆ ແລະຍັງເຮັດໃຫ້ເຈົ້າສາມາດທີ່ຈະເກັບກ່ຽວຂໍ້ມູນທີ່ສໍາຄັນເອົາໄວ້ໃຫ້ໝັ້ນຄົງໄດ້ຕະຫຼອດ.

.

ພວກເຂົາມີພະລັງຂັບເຄື່ອນຕົນເອງໄປສູ່ເປົ້າໝາຍ

ການອ່ານໜັງສືເຮັດໃຫ້ເຈົ້າມີຊີວິດຊີວາ ຄິດບວກ ແລະມີຄວາມໝັ້ນໃຈຫຼາຍຂຶ້ນ ນັກອ່ານມັກຈະເປັນຄົນທີ່ມີຊີວະດຊີວາ ແລະຄວາມຕື່ນຮູ້ທີ່ດີ ໃນການທີ່ຈະຄົ້ນຫາຫົນທາງຕ່າງໆ ທີ່ຈະນໍາໄປສູ່ຄວາມສໍາເລັດ ການອ່ານໜັງສືຈະເຮັດໃຫ້ເຈົ້າກາຍເປັນຄົນທີ່ມີຈິດໃຈໝັ້ນຄົງ ສຽບແຫຼມ ແລະຄວາມກະຕືລືລົ້ນຫຼາຍຂຶ້ນ.

.

ພວກເຂົາມີສະມາທິດີຂຶ້ນ

ຄົນທີ່ອ່ານໜັງສືຕະຫຼອດ ຈະສາມາດມີສະມາທິຈົດຈໍ່ຢູ່ກັບວຽກງານໃນໄລຍະຍາວໄດ້ ເຫຼົ່ານັກອ່ານທັງຫຼາຍຈະບໍ່ມັກຈັກໜ້ອຍເລີຍ ເມື່ອສິ່ງມາລົບກວນ ຫຼືເມື່ອຕ້ອງວາງໜັງສືລົງ ເຊິ່ງນີ້ກໍເປັນອີກໜຶ່ງອົງປະກອບຂອງການເປັນນັກອ່ານທີ່ດີ.

.

ພວກເຂົາເປັນນັກຈັດເວລາທີ່ດີ

ການອ່ານໜັງສືສາມາດເຮັດໄດ້ຢູ່ຕະຫຼອດເວລາ ແທນທີ່ຈະນັ່ງແກະສິວລ້າໆ ການອ່ານຈະເປັນສິ່ງໜຶ່ງທີ່ຈະຊ່ວຍໃຫ້ພວກເຮົາຈັດການກັບເວລາ ແລະເຮັດສິ່ງຕ່າງໆໄດ້ລຸລ່ວງຫຼາຍຂຶ້ນ ເພາະນາທີທີ່ເສຍໄປສາມາດນໍາມາໃຊ້ກັບການອ່ານໜັງສືໄດ້ຢ່າງຄຸ້ມຄ່າ ການຮູ້ຄຸນຄ່າຂອງເວລານັ້ນມັກພົບໃນບັນດາຜູ້ນໍາ ເພາະຜູ້ນໍາທຸກຄົນຮູ້ດີວ່າ ເວລາຄືສິ່ງທີ່ມີຄ່າທີ່ສຸດໃນຊີວິດ ທີ່ຈະເຮັດໃຫ້ພວກເຂົາບຸນລຸເປົ້າໝາຍໄດ້.

.

Source: Lifehack

 

 

ລາຍການທີ່ກ່ຽວຂ້ອງ

ວີດີໂອແນະນໍາ