ຄົນທີ່ເຮັດວຽກກັບເຈົ້າ ກັບ ຄົນທີ່ລາອອກໄປ ແລ້ວໃຜເປັນພິດຕໍ່ບໍລິສັດຫຼາຍກວ່າກັນ?

ບັນດາເຈົ້າຂອງທຸລະກິດທັງຫຼາຍ ມັກຈະກັງວົນກ່ຽວກັບພະນັກງານທີ່ລາອອກໄປທີ່ຈະເວົ້າບໍ່ດີກ່ຽວກັບບໍລິສັດ ຫຼືບາງເທື່ອກໍເລື່ອງການລັກເຄື່ອງຂອງອອກໄປຕອນທີ່ອອກຈາກວຽກ, ແຕ່ນັ້ນອາດຈະບໍ່ແມ່ນສິ່ງທີ່ຮ້າຍແຮງປານໃດ. ຜູ້ທີ່ຈະເຮັດໃຫ້ທຸລະກິດຂອງເຈົ້າຫຼົ້ມຈົມ ແທ້ຈິງແລ້ວອາດຈະເປັນຄົນທີ່ກຳລັງເຮັດວຽກໃຫ້ກັບເຈົ້າຢູ່ກໍໄດ້.

ອີງຕາມການວິໄຈຂອງ Gallup (ເຊິ່ງເປັນບໍລິສັດທີ່ປຶກສາການບໍລິຫານ) ໄດ້ຊີ້ໃຫ້ເຫັນວ່າ ມີເຖິງ 60% ຂອງພະນັກງານທີ່ບໍ່ໄດ້ໃຊ້ເວລາທັງໝົດໄປກັບວຽກງານທີ່ເຮັດ ຄິດເປັນຕົວເລກຄວາມເສຍຫາຍກວ່າ 600 ຕື້ດອລລ່າໃນແຕ່ລະປີ.

ມັນກ່ຽວກັບຄົນທີ່ບໍ່ໄດ້ມັກສິ່ງທີ່ກໍາລັງເຮັດຢູ່ ແລະນັ້ນເຫດຜົນທີ່ຂ້ອຍຄິດວ່າ (Robert Glazer_ຜູ້ຂຽນບົດຄວາມນີ້) ບຸກຄົນທີ່ອັນຕະລາຍທີ່ສຸດບໍ່ແມ່ນຜູ້ທີ່ອອກໄປ ແຕ່ມັນຄືຜູ້ທີ່ຍັງຢູ່ນີ້ຕ່າງຫາກ.

ແລະນີ້ກໍຄືປະໂຫຍກທີ່ພະນັກງານທັງຫຼາຍມັກເວົ້າ “ຂ້ອຍບໍ່ມັກບ່ອນນີ້ເລີຍ ຂ້ອຍຈະອອກທັນທີ່ທີ່ຫາວຽກໃໝ່ໄດ້ ແຕ່ຂ້ອຍຈະບໍ່ເວົ້າດອກ ຈົນກວ່າຈະໄດ້ອອກໄປ” ສັງເກດເບິ່ງແມ່ະ ຮ່າງກາຍຂອງພວກເຂົາຢູ່ນີ້ ແຕ່ຈິດໃຈຂອງພວກເຂົາບໍ່ຢູ່ນີ້ແລ້ວ!!!

ເມື່ອເວົ້າເຖິງເລື່ອງຄວາມພັກດີຂອງພະນັກງານແລ້ວ ຄວາມບໍ່ສົນໃຈຫຍັງຂອງພວກເຂົາເປັນສິ່ງທີ່ບໍ່ດີທີ່ສຸດຕໍ່ກັບທຸລະກິດຂອງເຮົາ. ການທີ່ພວກເຂົາຢູ່ນຳເຈົ້າຢູ່ ບໍ່ໝາຍຄວາມວ່າ ທຸກສິ່ງທຸກຢ່າງຈະເປັນໄປດ້ວຍດີ.

ຕົວຢ່າງເລີຍນໍ…ບາງຄົນອາດເລື່ອນງານເຮັດວຽກໄປ, ຜິດ Deadline ເທື່ອລະເລັກລະນ້ອຍ ຫຼືບໍ່ກະເຮັດໃຫ້ຄວາມສໍາພັນຂອງລູກຄ້າກັບບໍລິສັດໄປໃນທາງທີ່ບໍ່ດີ.

ຫຼາຍຄົນເລີຍທີ່ຍັງເຮັດວຽກຢູ່ ແຕ່ກໍກາຍເປັນຕົວທໍາລາຍຂວັນກຳລັງໃຈຂອງເພື່ອນຮ່ວມງານນໍາກັນ ບໍ່ວ່າຈະເປັນການຈົ່ມ, ການກະຈາຍຂ່າວບໍ່ດີ, ການລັກເອົາຊັບສິນຂອງບໍລິສັດ ຫຼືບໍ່ກໍການສ້າງສິ່ງແວດລ້ອມທີ່ບໍ່ດີໃນບ່ອນເຮັດວຽກ (ຂໍ້ນີ້ສຳຄັນທີ່ສຸດ). ສິ່ງທີ່ໜ້າຕົກໃຈກໍຄື ພວກເຂົາເຮັດສິ່ງເຫຼົ່ານີ້ຈາກພາຍໃນ ແລະມັນກໍເປັນອັນຕະລາຍກວ່າຄົນທີ່ລາອອກໄປແລ້ວ.

ຄໍາຖາມກໍຄື ເປັນຫຍັງພວກເຂົາຈຶ່ງເຮັດແບບນີ້?

ພະນັກງານຫຼາຍຄົນບໍ່ກ້າທີ່ຈະເວົ້າຕົງໆກ່ຽບກັບບັນຫາທີ່ເກີດຂຶ້ນຢູ່ບໍລິສັດ ບໍ່ວ່າເລື່ອງນ້ອຍຫຼືໃຫຍ່. ພວກເຂົາຢ້ານທີ່ຈະຕ້ອງເຂົ້າໄປພົບກັບຜູ້ຈັດການແລະເວົ້າວ່າ “ເຮີ່ຍ!…ຂ້ອຍບໍ່ຮູ້ວ່າສິ່ງນີ້ຈະໄດ້ຜົນຫຼືບໍ່” ພວກເຂົາຢ້ານການຖືກໃຫ້ລາອອກແບບບໍ່ທັນຕັ້ງໂຕ ແລະສະຖານະການນີ້ກໍເປັນສະຖານນະການທີ່ບໍ່ຢາກໃຫ້ມີ ໂດຍສະເພາະແມ່ນກັບຄົນທີ່ຕ້ອງມີຄອບຄົວໃຫ້ລ້ຽງດູ ແລະມີບິນທີ່ຕ້ອງຈ່າຍທຸກໆເດືອນ.

ພະນັກງານທີ່ກໍາລັງເຮັດວຽກຢູ່ນັ້ນ ເປັນໄປໄດ້ວ່າ ພວກເຂົາຈະກັບທຸກຢ່າງເອົາໄວ້ ຫຼືບໍ່ກະຫາທາງຫຼີກເວັັ້ນ ຈົນກວ່າພວກເຂົາຈະອອກຂາກບ່ອນນັ້ນ ຮອດຕອນນັ້ນ ເຈົ້າກໍຈະເມື່ອຍກັບການປິດຮູແລ້ວ!

Source: www.inc-asean.com

ລາຍການທີ່ກ່ຽວຂ້ອງ

ວີດີໂອແນະນໍາ